Atualità
Escursciuns acompagnades sön le tru geologich de Bula
Vigni vëndres de lugio y d’agost vëgnel organisé vijites acompgandes ala scoverta dles testimonianzes paleontologiches y geologiches dles Dolomites.
Le Museum Ladin y l’assoziaziun turistica de Urtijëi te Gherdëna organisëia vigni vëndres domisde dai 8 de lugio cina na fin d’agost na jita acompagnada sön le tru geologich de Bula, olache an vëiga te pera la gran möria dan da 252 miliuns de agn.
Sön le tru geologich de Bula te Gherdëna (Geotrail Bula) vëgnel documenté la plü gran möria aper dl limit permian-trassich (dan da 252 milliuns de agn). N paleontologh acompagnëia tratan la jita sön le tru geologich, spliga i prozesc geologigs che á porté pro ala formaziun dles Dolomites y dá informaziuns sön i func de pera y les pedies fossiles. L’odüda sön Gherdëna, Resciesa, Secëda y les Odles iadedô pita n beliscimo panorama.
An s’incunta pro l’assoziaziun turistica de Urtijëi dales 14.00 domisde y vëgn zoruch incër les sis da sëra. La partezipaziun ala jita acompagnada costa 15 euro, an mëss se anunzié pro l’assoziaziun turistica de Urtijëi sot le numer de telefonn 0471 77 76 00. De plü informaziuns é da ciafé tl Museum Ladin Ćiastel de Tor, Strada Tor 65, 39030 San Martin de Tor, tel. 0474 52 40 20 y sön internet sot www.museumladin.it y tl’assoziaziun turistica de Urtijëi, Strada Rezia 1, tel. 0471 777600, www.valgardena.it.
rc
