Atualità
Libri de manutenzion nueves per duc i mplanc de sciaudamënt
OSP – La nuviteies per la manutenzion de mplanc a sciaudamënt jirà ndrova cun l prim de setëmber 2003: da chësc di inant và ndrova n decret dl minister per l’ativiteies produtives, che vëija dant l tenì de n liber de manutenzion. Nsci vëniel fat al savëi dal’ufize provinziel per scunanza dal meldefuech.
Tl decret dl 17 de merz de chësc ann iel udù dant doi sortes de liber de manutenzion: per mplanc cun na capazita nchin a 35 KW muessel uni anjenià n liber “per mplanc singuli”, per mplanc sëura 35 KW de capazità ie debujën de liber “per mplanc a sciaudamënt” zëntrel. N ejëmpl de n liber de manutenzion possa unì desciarià dala plates internet dl ufize provinziel per scunanza dal meldefuech sota l adres www.provinz.bz.it/zivilschutz/2601/gesetzgebung. L ufize cumpetent cunsiëia de se nuzé de chësc ejëmpl davia che l decret se damanda de tenì l liber cun l aiut de n computer. Chësta regula vel nce per de vedli mplanc a sciaudamënt. Te n tel cajo muessa l vedl liber de manutenzion uni tenì su deberieda cun l nuef. Da scri ite iel pona nce plu avisa chi che fej la mauntenzion y chi che tën i libri.OSP
