Atualità
Dala Junta: Kompatscher a Roma, incuntada cun la stampa estera
Le presidënt Arno Kompatscher incuntará indoman a Roma i jornalisć nazionai y internazionai. L’incuntada é gnüda organisada dal’assoziaziun stampa estera.
Barieres nöies t’Europa? Ciodí dij pa le Südtirol de no al Prener stlü? Chësc é le titul dl’incuntada organisada dal’Assoziaziun dla stampa estera tla Talia, n’organisaziun de chëra che al fej pert 400 corespondënc y 54 foliec sura döt le monn. Le presidënt dl Provinzia, Arno Kompatscher, y le presidënt di Impresars (y ince vizepresidënt de Confindustria), Stefan Pan, é gnüs inviá dal’Assoziaziun por na debatüda cun i media statai y internazionai söi aspec che reverda la politica y l’economia dl’autonomia südtiroleja, cun n’atenziun particolara ales chestiuns europeiches. Ara nen jará dles chestiuns di migranc ales lites nöies tl’Austria, dal raport cun l’Europa y ai dërc dles mendranzes y ai lians sura i confins fora dl Südtirol che é n raiun de coliamënt danter le Mer Mediteran y l’area todëscia. „I porvarun da splighé la storia y la particolarité de nosta autonomia, che pó gní definida sciöche „speziala danter les speziales“, insciö Kompatscher. La conferënza stampa sará
en doman, mercui 20 de lugio dl 2016
dales 12.00
pro la sënta dl’Assoziaziun stampa estera
strada dl’Umiltà 83/A,
a Roma.
rc
