Atualità
Dala Junta: 48 miliuns por finanzié y ressané les sarenares
Löm vërda dala Junta provinziala al finanziamënt de 48 miliuns por le ressnamënt y la realisaziun de sarenares por i proscims trëi agn 2016 – 18.
Sön proposta dl’assessur por l’ambiënt Richard Theiner á la Junta provinziala aprové incö le program de finanziamënt por le ressnamënt y la realisaziun de sarenares por i proscims trëi agn 2016 – 18. Al gnará metü a desposiziun indöt 48 miliuns de euro, de chisc 15,6 bele inann. „Cun chëstes ressurses sarál poscibl da finanzié 35 proiec nüs: 18 intervënc che reverda sarenares y 17 costruziuns o ressanamënc dles canalisaziuns“, spliga l'assessur Theiner. Adöm ai Comuns y ai gesturs di implanc á la Provinzia le compit da se fistidié dla manutenziun y dla modernisaziun dla rëi sön döt le teritore provinzial por garantí indlunch i standarg plü alc, insciö Theiner.
Le program aprové prevëiga danter l’ater mioramënc y ressanamënc ales sarenares atuales. Danter i laurs él da segnalé de plü intervënc ai implanc de Sompunt-Badia, Senales y Balsan. Cun le finanziamënt provinzial gnarál implü amplié la rëi di depuradus por pormët ince da smendrí les numer di lec de sedimentaziun dantadöt tles arees rurales, sciöche sotligné ince dal diretur dl Ofize provinzial Sconanza dles Eghes Ernesto Scarperi. I proiec plü importanc por les canalisaziuns reverda les rëi prinzipales ti Comuns de Moos im Passeier, Mühlbach y Algund.
rc
