Atualità
Aparc de reanimaziun, oblianza prorogada ala fin de novëmber
L’oblianza da messëi avëi n defibriladú por les uniuns sportives amatoriales é gnüda prorogada dai 20 de lugio ai 30 de novëmber.
Cun n decret publiché dan da püc dis á le Minister dla Sanité tut la dezijiun da proroghé dai 20 de lugio ai 30 de novëmber l’oblianza dla desponibilité de aparac de reanimaziun por les uniuns sportives amatoriales. Cun le scomenciamënt dl mëis de dezëmber dl 2016 messará insciö les uniuns garantí la presënza de n aparat de reanimaziun y de almanco öna na porsona che sides autorisada a podëi adoré l’aparat.
Tl Südtirol él gnü stabilí cun na delibera dla Junta provinziala dl 2014 da trasferí l’oblianza dla presënza de n defibriladú dales assoziaziuns sportives ai proprietars di implanc. La norma definësc insciö che düc i implanc dl sport südtirolej, ince i implanc dl sport scolastics y daverc al publich, mëss avëi almanco un n aparat de reanimaziun y che chësc mëss ester te na posiziun saurida da arjunje da vigni pert dl implant por podëi garantí l’efiziënza de n intervënt de prescia y reanimaziun. Por plü informaziuns tliché chiló.
rc
