Atualità
Ass. Mussner: la figura dl verzon di Capuziner ruva dan la scola per lëures soziei
OSP – la figura dl “fì pentì”, che ie stata argumënt de plu discuscions unirà spusteda dal verzon di Capuziner ala scola profesciunela per lëures soziei "Hannah Arendt". Chësc ie uni fat ora dal Assessëur Florian Mussner pra n sëuraluech cun rapresentanc di Capuziner y cun l diretëur dla scola profesciunela per lëures soziei de Bulsan. L assessëur à bele dat la nceria per chësc spustamënt. La figura che rapresentea n ël desnut, dëssa aldo di media avëi purtà gran sdëni pra i patri. L assessëur Mussner à dat esprescion de gran stima per i Capuziner y ne ulëssa nia che i se sënte ufendui per via dl’opera d’ert.
La scultura dl artist Lois Anvidalfarei tl verzon di Capuziner dëssa, al do di media, avëi purtà gran sdëni ai patri. L Provinzial Pater Anton Beikircher à presentà si dejidere de juni te na lëtra al assessëur Berger. L assessëur al avëi provinziel Berger ti l’à data inant al assessëur ai lëurs publics Mussner. Florian Mussner se à mpenià che l unissa abinà na soluzion per l inuem dl verzon schiche l fova damandà tla lëtra. L Guviern Provinziel à te si ultima senteda fat ora de ti dé inuem “verzon di Capuziner” o “parch di Capuziner”, sciche damandà dai Capuziner nstësc. Tla lëtra fovel pona nce unì damandà de spusté la figura dl “fì pentì” dl artist Lois Anvidalfarei. L assessëur Mussner à n juebia domesdi, do avëi cialà do la cumpetënza, fat n sëuraluech y rujenà plu avisa cun l Provinzial Pater Anton Beikircher y l Provinzialvikar Pater Kurt Egger. Deberieda cun l diretëur dla scola profesciunela per lëures soziei dla provinzia, Luigi Loddi, iesen ruvei a una che la statua dëssa unida tëuta demez dal verzon di Capuziner y metuda tl verzon dan la scola per lëures soziei. “l valor dl opera d’ert vën mo sorissà cun la raprejentazion de na persona tl bujën schiche l “fì pentì” dlongia la scola” dij l assessëur Mussner. Mo l medem domesdi à l Mussner dat la ncëria de spusté la figura. L assessëur ai lëurs publics ne ulëssa nia che i Capuziner se sënt ufendui tres n’opera d’ert sun na si puscion. I Capuziner god nfati de gran stima da pert dl assessëur. Mussner à n cuntat de persona cun de plu patri Capuzinri, danterauter cun Pater Kurt Egger, cun chël che l à nce bele rujenà plu iedesc sun la figura. Pra la vela dl’operes (pra “l’ert ala frabiches”) tla ripartizion dla frabiches, à l proietant la parola de majer pëis. L vester a una de la pertes nteressedes ie per Mussner de gran mpurtanza y nsci se al detlarà a una de ti sté do ala cuestion. Cun decijion ne azetea Mussner nia la cuestion trata dant tres i media che chi che se damanda n termin da d’ël ne l giatessa nia y che l ne fossa nia a desposizion de rujené cun la jënt. Ël ie dla minoga de veser cunesciù tl Südtirol just per l cutrer. Nfati che l ie for a desposizion per rujené cun la jënt.OSP
