Atualità
Di dla Scola Ladina ai 5 de setëmber
OSP – La scola ladina y si particulariteies sarà n vënderdi ai 5 de setëmber 2003 l argumënt zentrel dl cunvëni a S. Lenert de Badia. L assessëur ala scola y cultura ladina Florian Mussner rujenerà ala maestres, ai maestri y ala persones respunsables dla scola.
L „Di dla Scola Ladina“ scumëncia n vënderdi ai 5 de setëmber 2003 dala 9 danmsedi tla cësa de cultura de San Lenert de Badia. Danora saral da audì la paroles dl assessëur Mussner per i nsenianc y i respunsabli scolastics. Pona unira na ntroduzion dl ntendënt scolastich ladin Roland Verra. Dala 10.30 rujenerà l professëur Franco Frabboni sun l nsenië y l dé valutazions tla scola refurmeda. La manifestazion vën meduta a ji dal Ufize provinziel per la Scola ladina. L di dla scola ladina vën recunesciù schiche di de furmazion per nsenianc y ie na manifestazion de ublianza per dut l personal de scola. Nfurmazions plu avisa ie da giapé dal Ufize provinziel per la Scola ladina al numer de telefonn 0471-41 55 05/6 y de fax 0471-41 55 96. I rapresentac di media ie nviëi al „Di dla Scola Ladina“, n vënderdi ai 5 de setëmber 2003, dala 9 danmesdi tla cësa de cultura de San Lenert de Badia y nce de l dé tres.OSP
