Atualità
Dala Junta: parch tecnologich NOI, stabilí le schema di afic
Löm vërda dala Junta provinziala al model por la gestiun dles sperses da afité tl Parch tecnologich NOI tla zona industriala a Balsan.
Le proiet de realisaziun dl Parch tecnologich NOI a Balsan vá inant vare por vare por rové a piz cun i laurs da d’altonn 2017 y por scomencé spo cun l’ativité regolara ti pröms mëisc dl 2018. Bele tles proscimes edemes firmará la BLS (Business Location Südtirol) i pröms contrac cun i anuzadus dla strotöra. Incö, mertesc ai 23 d’agost, á la Junta provinziala dé süa aprovaziun al model de gestiun dles sperses d’afit. Les tarifes é gnüdes stabilides dala BLS adöm al Ofize aministraziun patrimone dla Provinzia y vá dai 8 y i 10 euro por meter cuadrat al mëis. „Cun les ressurses finanziares che gnará trates ite sarál poscibl da curí les spëises de gestiun dl Parch tecnologich NOI y da scomencé da trá ite i investimënc por la realisaziun“, spliga le Presidënt dla Provinzia Arno Kompatscher.
Al intern dl Parch tecnologich sarál da ciafé i laboratori dla Université de Balsan, dla EURAC y dla Laimburg, implü de plü ofizi dla IDM, dl Fraunhofer Italia y dl’Agenzia CiasaClima. Spo plü inant sarál ince les aziëndes privates, danter l’ater Senfter y Maccaferri, che dauriará na sënta ala NOI: Preodü él ince la presënza tl parch tecnologich dl’Istitut por la medejina d’emergënza da munt y l’Ofize de lernerat y por moaster tl artejanat. Por plü informaziuns tliché sön la plata internet dla BLS, Business Location Südtirol, www.bls.info
rc
Galaria dales fotografies
