Atualità
I priejes indicatives ie online
OSP – La lista di priejes indicatives per i lëures de costruzion de stredes, purtà dant dal assessëur ai lëures publics Florian Mussner y data pro dala jonta provinziela ie sën da udëi sun la plates provinzieles tl internet.
Dal prim de setëmber ie la lista di priejes indicatives online. Nchin che la sarà tan inant cun la verscion stampeda y sun CD, ie mo da avëi pazienza n struf. Te cin enes dëssa l catalogh di priejes pona vester da giaté sun papier. „La lista di priejes mostra su te na forma generela la prestazions de duc i lëures che ie da fé tla Provinzia y ie nsci n strumënt mpurtant per chëi che lëura tl ciamp dla costruzion dla stredes“ spiega l assessëur ai lëures publics Florian Mussner. L catalogh di priejes per la costruzion dla stredes cuntën i priejes de basa plu mpurtanc, nsci schiche i priejes generei per prestazions che vën fates plu suvënz tl ciamp dla stredes. L catalogh di priejes indicatives ie da abiné sota www.provinz.bz.it/tiefbau/richtpreise tl intenet.OSP
