Atualità
Fitamajons tl internet cun l aiut dla Provinzia
OSP – Per la presënza tl internet de fitamajons dl Südtirol iel mo da giapé n sustëni dala Provinzia de Bulsan. L’azion dl assessorat per artejanat, cumerz y turism de sustenì la presënza tl internet de fitamajons à bele abù suzes y vën sën mo slungeda nchin ala fin dl ann. “L’azion internet dëssa ti judé ai fitamajons privac de fé l var tla re mundiela y ti judé a se presenté a na maniera moderna” sorissea l assessëur al cumerz Werner Frick.
Nchin ala fin dl ann ti juda la Provinzia ai fitamajons privac pra si presentazion-web, cun n link ala plates dla lia provinziela di fitamajons privac VPS. “I fitamajons ti pieta ai turisc dl Südtirol passa 28.000 liec y ie cun si uferta na pert da nia pudëi pierder per l’economia turistica dl Südtirol” lecorda l assessëur Frick. “Cun nosta azion internet ulons ti judé ai fitamajons privac a zapé ite tl intenet y ti pité na puscibltà moderna per se presenté” sorissea l assessëur al cumerz Werner Frick. Mplu ulëssa l assessorat mëter man cun na nrescida danter 600 fitamajons: tres na lista de dumandes dëssel unì nrescì la pertes stersces, la cualità, la situazion struturela y economica di fitamajons. Aldo de chësta nfurmazions dëssel pona unì laurà ora n catalogh di provedimënc. Tres chësc catalogh ulëssen sustenì y mantenì ala miëura maniera chësta categuria da na gran mpurtanza per l turism da tlo. “Messon fé dl dut per mantenì la posizion primera dl Südtirol tl ciamp di fitamajons privac” nsci l assessëur Frick.OSP
