Atualità
Scioldi provinziei per l mantenimënt de troies y uties da mont
OSP – Cun cuntribuc de ressanamënt de 464.000 Euro sustën l assessorat per artejanat, cumerz y tuism l mantenimënt de troies y uties da mont tl Südtirol. A usufrì de chisc cuntribuc ie la lies da mont AVS y CAI. Chësc iel unì dat pro n dal guviërn provinziel sun pruposta l assessëur cumpetënt.
La lia da mont de rujeneda tudëscia (AVS) giata 74.400 Euro y l Club Alpino Italiano (CAI) 60.600 Euro. Mplu dà la Provinzia 319.800 Euro tres l program de sustëni „Ziel 2“ dl’Union Europea, che ti dëssa judé a ressané uties da mont dla lies da mont te raions „dëibli de strutures“. La se trata tlo de mesuns finaziei che possa me unì metui a desposizion de urganisazions alpines. I scioldi provinziei ie nce udui dant per curì la spëises pra la uties da mont schiche l fé da nuef la fassades, la cordes dla furnadoia a material, l mantenimënt dl resservar dal’ega da bever, provedimënc contra l meldefuech o l mudé l agregat dal strom de emergenza. L ie nce udù dant de dé cuntribuc per l mantenì di troies da mont. Cun i scioldi dëssel unì sustenì ntëur a 80 uties y mantenì i troies da mont.OSP
