Atualità
Fiera da d’altonn: informaziuns d'ütl sön la Cherta di sorvisc
Na panoramica söl eGov y sön l'identité digitala gnará pitada pro le stand dla Rëi zivica dla Provinzia tratan la Fiera da d’altonn 2016 a Balsan.
Dai 10 ai 13 de novëmber sarál a desposiziun di zitadins n stand cun les informaziuns prinzipales söl eGov dla Rëi zivica tl contest dla Fiera da d’altonn 2016 a Balsan. I orars de daurida sará dales 09:30 ales 18:30. I zitadins podará ativé te chësta ocajiun ince la Cherta di sorvisc, adöm ai esperc, sciöche ince l’account eGov zertifiché y le cunt digital. Le stand é tl setur CD D 26/64 dla Fiera y pita implü informaziuns d’ütl sön le renovamënt dla Cherta di sorvisc, conscidran che la gran pert dles chertes ativades tl 2011 é ma plü varëntes cina le 2016.
I vijitadus podará ince porvé fora de plü sorvisc online dl’Aministraziun publica. Interessantes sará ince les incuntades cun i esperc sön le program ai 10 de novëmber dales 14:00 ales 16:00 cun Ivo Planötscher dl portal Open Data dla Provinzia y ai 11 de novëmber dales 14:00 ales 16:00 cun Ronny Langes che sará a desposiziun por domandes che reverda le Geoportal dl Südtirol.
Al sará implü poscibl da incunté ince l’assessuria por l’informatica Waltraud Deeg y le diretur general dl Informatica Südtirol, la SIAG, Stefan Gasslitter en jöbia
ai 10 de novëmber
dales 12:00
pro le stand eGov dla Rëi zivica
tratan la Fiera da d’altonn,
plaza Fiera 1,
a Balsan.
En jöbia y en vëndres sará l’entrada ala Fiera debann.
rc
