Atualità
Prupostes per la stëila de merit al lëur
OSP – Nchin ai 31 de utober an nce chëst ann la puscibltà de fé la pruposta de lauranc, dependënc y respunsabli per la stëila de merit al lëur. L’uneranza unirà fata sciche uni ann n l di dl lëur ai prim de mei 2004.
La persones purtedes dant muessa avëi almanca 50 ani, lauré da almanca 25 ani y se avëi mustrà te na maniera esemplera sun l post de lëur. Dantaldut vën tëut n cunsciderazion meric tl ciamp dla segurëza sun l lëur, tla formazion de jëuni o tl svilup de prodoc y sistemes de produzion - nsci Helmuth Sinn diretëur dla ripartizion per l lëur. La prupostes possa unides mandedes ite dala firmes, ma nce dai dependënc. Per l Südtirol iel udù dant ot uneranzes. Che unirà prutedes dant da na cumiscion dla ripartizion al lëur, al minister dl lëur a Roma. La uneranza unirà fata cun n decret dl presidënt dla Republica. Nfurmazions plu avisa possa unides damandes do pra l ispetorat dl lëur dla Provinzia de Bulsan, al numer de telefonn 0471-412 750.OSP
