Atualità
L tunel 5 dla streda nueva dla Val Badia ie tres
OSP – Ncuei (merdi ai 16) iel unì batù tres l sgondo tunel dla streda neuva dla bassa Val Badia. Cun l ruvé tres dl „tunel nr. 5“ an arjont n bel var di lëures. lëures per la streda nueva che vëija dant cin tuniei nueves, y che va inant drët bën.
I lauranc possa da sën inant ji tres l tunel nr.5 per ruvé da una al’autra giaurida dl tunel nuef dla streda dla Val Badia puech dan Longega. L tunel just batù tres, mesura na lunghëza de 920 metri. La firma de costruzion Grassetto à giavà da doi pertes y laurerà sën per l giavé ora defin y per fé i parëies dl tunel. I lëures per duta la streda nueva dla Val Badia va inant drët bën. La streda tres la Val Badia che à na mpurtanza essenziela per l trasport de persones y l trasport pesoch, vën fata da nuef, slargeda y segureda da sasc che manacia de tumé jù. Bën cin tuniei, de plu parëies y puënc dëssa garantì la segurëza sun chësta streda. Davia che la streda ie al mumënt dsareda ai auti, muessen to la stredes panoramiches. Itvier possen furné da Mantëna Todëscia per Onies nchin a Longega. Chëi che muessa furné ora per la valeda possa to la streda da Longega per Pliscia y Sares nchin a Mantëna Todëscia.OSP
