Atualità
Dala Junta: strotöra sanitara a Sarnthein, le proiet vá inant
Le proiet dla strotöra sanitara tl Sarenthein, punt de racoiüda danter assistënza locala y ospedal, jará inant: chësta la dezijiun dla Junta provinziala.
La strotöra sanitara sciöche punt de racoiüda danter le teritore y l’ospedal é gnüda daurida tl 2007 sciöche proiet d’ejëmpl a Sarnthein por alisiré la colaboraziun danter assistënza di paziënc dlungia ciasa y la cura te ospedal. Tla strotöra él n ambulatore por l’assistënza sanitara olache al laora doturs de basa cun a desposiziun ince de posć da dormí. La strotöra pita n model d’assistënza tresfora che arbassëia ince la recoveraziun di amará ti ospedai, cun demisciuns plü abonora dai ospedai tla strotöra locala y che sostëgn la cura di paziënc dlungia ciasa. Le presidënt Arno Kompatscher á comuniché che la Junta provinziala á proroghé incö ai 15 de novëmber de un n ann le proiet cina la fin dl 2017. Tl 2015 á la strotöra registré indöt 138 recoveraziuns y 95 paziënc por indöt 2003 dis de recoveraziuns y na permanënza mesana de 15,17 dis.
USP
