Atualità
Juncker a Balsan, vëndres convëgn söl’autonomia y federalism
Le presidënt dla Comisciun europeica sará en vëndres a Balsan. Incuntada cun Kompatscher a Palaz Widmann, convëgn söl’autonomia al’Université.
Jean Claude Juncker, presidënt dla Comisciun europeica, sará le gehst d’onur dl convëgn organisé dala Provinzia d Balsan, en colaboraziun cun l’Université Lëdia de Balsan, tl contest dles scomenciadies coliades ai 70 agn dal’Acordanza de Paris, la Magna Charta dl’autonomia südtiroleja. Cinch iurisć cun n curriculum internazional fajará intervënc che reverda la tematica zentrala dl’incuntada dal titul „70 Agn Acordanza de Paris, autonomia y federalism t’Europa“: al se trata de Walter Obwexer, Christina Binder, Antonio D'Altena, Helmut Tichy y Jens Woelk. L’intervënt final sará spo de Juncker che rajonará dl prinzip de sussidiarité y dles prospetves dles Regiuns al intern dl’Uniun europeica, daurí gnará indere le convëgn da n’analisa politica dl presidënt Arno Kompatscher
en vëndres, ai 18 de novëmber dl 2016
dales 10:00
tl’Aula magna dl’Université Lëdia de Balsan
plaza Université 1
a Balsan.
Informaziuns por i media: al presidënt dla Comisciun europeica, Jean-Claude Juncker, ti gnarál dé le bëgngnü dal presidënt dla Provinzia, Arno Kompatscher, dales 10:30 tla plaza Silvius Magnago cun la zerimonia ofiziala de begnodü („landesüblicher Empfang").
Daldô sarál la poscibilité por i media da fá fotografies y videos tl foyer de Palaz Widmann, spo gnarál a se le dé n’incuntada privata tl ofize dl presidënt dla Provinzia. Do l’incuntada jará spo Juncker y Kompatscher al’Université por tó pert ala pert finala dl convëgn che jará inant por döt le danmisdé. Al ne é nia preodü intervistes o detlaraziuns por la stampa, i rapresentanc di media che ó tó pert al convëgn y al’incuntada danter Juncker y Kompatscher messará s’acredité dales 09:00 inant al’entrada dl’Université y pro l’Ofize stampa dla Provinzia (Plaza Silvius Magnago 1).
USP
