Atualità
Regiun: Cultura y lingac de mendranza, domandes cina ai 30/11
Al toma en mercui ai 30/11 le termo por presenté les domandes de finanziamënt tl ciamp por imparé i lingac y por sostigní ativités culturales.
Valorisé l’identité culturala tres le renforzamënt dla cosciënza da fá pert de na mendranza: chësc é l’obietif prinzipal dles scomenciades de promoziun y de sconanza dles mendranzes organisades dala Regiun che sostëgn te na manira particolara dantadöt proiec y scomenciadies che reverda l’imparé i lingac. Implü gnarál ince sostigní l’insegnamënt de lingac de mendranza y la realisaziun de stromënc linguistics y de material didatich (gramatiches, vocabolars, libri y tröp d'ater). Mo i intervënc reverda danter l’ater le contest cultural sciöche ativités d’inrescida storica, l’elaboraziun de idees inovatives tl ciamp cultural, la formaziun linguistica, inrescides spezifiches dla conservaziun dl paesaje tradizional, l’adoranza di lingac de mendranza tl setur publich y privat y la produziun de programs tla televijiun y radio.
Por ci che reverda la formaziun él ince la Regiun che sostëgn proiec de cooperaziun danter Universités y d’atres istituziuns publiches tl ciamp dl insegnamënt, dla formaziun y dl’archirida scientifca. Al vëgn ince sostigní l’organisaziun de manifestaziuns che renforzëia l’identité y le lian de portignënza ala mendranza linguistica. Al ne é indere preodü degun sostëgn por ci che reverda scomenciadies tl setur dl sport.
Les domandes do finanziamënt por la realisaziun de scomenciadies tl 2017 mëss gní presentades al Ofize Mendranzes linguistiches dla Regiun (strada Gazzoletti 2 a Trënt o plaza Université 3 a Balsan) cina les 16:00 de mercui ai 30 de novëmber dl 2016. Les domandes pó ince gní menades tres posta y te chësc caje sará la data dl stempl dla posta varënta. I formulars da dé jö é a desposiziun pro l’Ofize Mendranzes linguistiches o ince sön internet sot a: www.regione.taa.it/Minoranze/iniziative.aspx
USP
