Atualità
Dala Juna: criters de sostëgn nüs por le telescialdamënt y biogas
Löm vërda dala Junta provinziala por la reorganisaziun dles mosöres de sostëgn por la costruziun de implanc de telescialadamënt y biogas.
Mioré l’efiziënza energetica, renforzé l’adoranza de fontanes renovables: chisc é i dui obietifs prinzipai dla strategia por le plann climatich Energia Südtirol 2050 y n pilaster fondamental da chësc punt de odüda é ince i criters che regolamentëia les mosöres de sostëgn a bëgn di implanc de telescialdamënt y biogas. I criters é gnüs incö ejaminá dala Junta provinziala cun l’aprovaziun de na delibera sön proposta dl’assessur por l’ambiënt Richard Theiner. „Cun chësta dezijiun ún adaté i criters de sostëgn ales diretives dl’Uniun Europeica tignin ince cunt dl’armonisaziun dl bilanz y di criters de cualité“, insciö Theiner. Les diretives á l’obietif da amplié l'efiziënza energetica de 82 impland de telescialdamënt presënc söl teritore, 77 de chisc laora cun biomassa, por mioré la produziun de calur dal borjé dl ciomët al smendrimënt dl consum de combustibl. Implü á la Junta ince mudé incö i criters por le sostëgn por la costruziun y l’ampliamënt di implanc de biogas adatan la normativa provinziala a chëra europeica.
USP
