Atualità

Scora / Cultura | 23.09.2003 | 10:55

Prima edizion dl cuncors per artisc’ jëuni ladins

L Assessorat provinziel per la cultura ladina lascia savëi che l ie unì scrit ora la prima edizion dl cuncors d’ert figurativa per artisc’ jëuni ladins dal tiul “Premia flus d’aisciöda”. L ultim di per de jù i lëures ie l 19 de dezëmber 2003.

Pra chësc cuncors se tratla de n pest de sustëni per artisc’ jëuni che se dà jù cun l’ert figurativa cun l fin de judé y motivé i jëuni a ji inant cun si cariera atristica. Fe pea possa duta l’artistes y i artisc dl Südtirol che fej pert dla grupa de rujeneda ladina y ie nasciui dò l 31 de dezëmber 1967. N cont de lëures possel unì dat ju nchin a trëi operes de duc i ciamps dl’ert figurativa. Chël artist che unirà premià cun l prim pest de 5.000 Euro pudrà mëter ora si lëures tla galaria Prisma a Bulsan. La giuria dl cuncors ie unida metuda adum da Josef Irsara (presidënt), Franz Irsara, Franz Kehrer, Hermann Josef Runggaldier y Bruna Senoner. Da chëi che fej pea vëniel nce damandà n curriculum cun na documentazion sun i lëures che ie unic fai nchn a sën (ev. cataloghes y fotografies), na dumanda cun marca da 10,33 Euro ulache n possa liejer l inuem, cuinuem, la data, l luech de nascita, l’adres, numer de telefonn y la detlarazion de grupa de rujeneda. L ultim di per dé jù i lëues ie l 19 de dezëmber 2003. L formular de iscrizion ie da giapé dal Ufize per la scola y cultura ladina al numer de telefonn 0471-41 70 20 o 0471-41 70 10, fax 0471-41 70 22, ulache n giata nce nfurmazions plu avisa. Per nresci velch de plù sun chësc cuncors possen nce cialé do tl internet sota www.provinz.bz.it/intendenza-ladina/cultura o mandan na e-mail a katharina.tasser@schule.suedtirol.it

OSP