Atualità
Concurs por cinch ispeturs aministratifs: dui posć resservá por ladins
L’Aministraziun provinziala chir cinch ispeturs aministratifs cun sënta a Balsan. Les stieres a tëmp plëgn gnará surandades tres n concurs y sará a tëmp ilimité
N stüde universitar de almanco cater agn y l’atestat de Bi- o Trilinguism A é i criters d’azes por podëi tó pert al concurs publich scrit fora dala Repartiziun Personal dla Provinzia por cinch ispeturies y ispeturs aministratifs. Le concurs é ince davert a candidac cun n stüde de pröm livel cun de conseguënza l'assunziun tla setima cualifica funzionala ter. Dui posć é resservá al grup linguistich ladin y trëi a chël todësch. Al concurs pó ince tó pert candidac dl grup linguistich talian. L’arjunta de n’idoneité eventuala sará varënta por dui agn.
Les domandes por tó pert al concurs pó gní dades jö cina ai 27 de forá dl 2017 (dales 12:00) pro l’Ofize Assunziun personal.
Informaziuns
Ofize Assunziun Personal, tel: 0471 412115
E-Mail: katrin.defant@provinz.bz.it, Homepage: www.provinz.bz.it/personal/themen/aufnahme-wettbewerbe-wettbewerbe.asp
usp
