Atualità
Imparé da conësce les istituziuns dl’UE: Euregio Summer School
Inće chësc ann pitará la Rapresentanza dl’Euregio Südtirol-Tirol-Trentin n’oportunité por imparé da conësce da plü daimpró les istituziuns dl’UE a Bruxelles.
L’Alpeuregio Summer School ti dará la poscibilité a jogn laureá y ince ai studënc, da fá n’esperiënza direta a contat con les istituziuns politiches dl’Uniun Europeica. Do le suzés dles ediziuns da denant mët da jí la rapresentanza dl’Euregio a Bruxelles ince chësc ann l’Alpeuregio Summer School, na scomenciadia de formaziun por imparé da conësce da plü daimpro les istituziuns y le funzionamënt di sistem politich dl’Uniun Europeica. Le curs gnará tigní por inglesc dai 03 ai 13 de lugio dl 2017 y é davert por jogn cina ai 30 agn che vëgn dal Tirol, Südtirol y dal Trentin. Al pó ince se scrí ite studënc dl terzo ann de stüde che á conëscenzes y cualifiches che reverda l’Uniun Europeica. Les domandes de partezipaziun po gní dades jö cina ai 7 de aurì.
Le fin dl proiet de formaziun "Alpeuregio Summer School" é chël da colié les conescënzes teoriches dl stüde sura la politica dl’Uniun Europeica cun n’esperiënza direta tles istituziuns europeiches söl post a Bruxelles.
La bandida dl concurs por la partezipaziun al’Alpeuregio Summer School 2017 gnará publicada cina ai 17 de forá sön la plata internet dla rapresentanza dl’Euregio a Brüssel (www.alpeuregio.org). I partezipanć mëss se sostigní les spëises dl iade y de sojornanza instësc, le curs indere é debann.
usp
