Atualità
Museum Ladin: nöt tl museum ai 23 de forá
Ai 23 de forá, jöbia grassa, organisëia le Museum Ladin Ciastel de Tor a San Martin na festa por pice y gragn. L’entrada é debann.
„Nöt tl Museum“: chësc é le titul dla Festa che vëgn metüda da jí dal Museum Ladin Ciastel de Tor en gaujin dla jöbia grassa indoman ai 23 de forá. Tla curt interna dl Ciastel gnará proieté dessëgns de saurun de Nadia Ischia, che cuntará dles liëndes ladines. Dla cornisc musicala se crüziará Max Castlunger y le JEM Music project. Tla curt interna gnarál implü ince organisé n spetacul cun füch. Por döta la dorada dla festa sarál atif n bus debann che coliará Piculin (Hotel Posta) al Museum Ladin cun architades ince tla zona Pradel (ex fossenara) y tla zona Dasser tl zënter dl paisc. L'entrada é debann.
La scomenciadia vëgn organisda dal’Assoziaziun turistica y dal’Assoziaziun sportiva e San Martin. Por plü informaziuns: : Museum Ladin Ciastel de Tor, via Tor 65, San Martin de Badia, tel. 0474 524020, www.museumladin.it
usp
Galaria dales fotografies
