Atualità
Laur por la jonëza: Conferënza stampa ai 28 de forá
Le plann anual por la promoziun por le laur por la jonëza gnará presenté te na conferënza stampa dai assessurs Mussner y Achammer ai 28/02 a Maran.
Le laur por la jonëza tl Südtirol vëgn garantí te na gran pert da na rëi ampla da volontars motivá y da esperc profescionisć. Por merit dla buna colaboraziun danter Comuns, Provinzia y volontars é le laur por jonëza öna dles fondamëntes prinzipales dal vita culturala y soziala tla Provinzia. La Junta provinziala á aprové tl mëis de jená le plann anual por la promoziun dl Laur por la jonëza cun na soma de indöt 6 miliuns de euro a desposiziun. Sciöche chëstes ressurses gnará investides, ci proiec che gnará realisá y ci che é le laur prinzipal dl Sorvisc ai Jogn gnará presenté te na conferënza stampa dai assessurs Florian Mussner y Philipp Achammer
en mertesc, ai 28 de forá dl 2017
dales 11.00
tla sënta dl Sorvisc ai Jogn de Maran „HUB37“
strada Otto Huber 37
a Maran.
Al sará ince presënc de plü rapresentanc di Sorvisc ai Jogn y dles istituziuns che taca lapró.
usp
