Atualità
L ITC nuef a Urtijëi possa ji inant
OSP - L fé su de n ITC nuef a Urtijëi ie uni dat pro dala Cumscion Tecnica Provinziela deberieda cun proiec a Bulsan, na pert nueva per l spedel de Bulsan, l fe su da nuef de na scola a Welschnofen y l renuvamënt dl Chemun de Mühlbach. Chesta decijions ie unides tëutes tla senteda dl lunesc ai 6 de utober.
Do plu ani de tratatives y de proietazion iela sën tan inant che l proiet esecutif per l fé su de n nuef Istitut Cumerziel Raetia ie uni dat pro dala Cumscion Tecnica Provinziela. Tla streda Cademia uniral fat su na scola nueva per na spëisa de 9,6 milion de Euro cun chëla che n ti unirà ncontra al mance de lerch per la scoles a Urtijëi. L proiet y l finanziamënt muessa sën giapé l bensté dl Guviern Provinziel, pona pudral uni scrit ora i lëures.OSP
