Atualità
L tunel de Pruca vën giaurì ai 22 de utober
OSP – L mierculidi che vën sarà n di de festa per l luech de Pruca. L presidënt dla Provinzia y l assessëur per i lëures publics giaurirà l tunel dl netreda te Gherdëina do che l ie unì laurà dassënn per doi ani. A chësta maniera unirà l luech de Pruca straverdà dal gran muvimët de auti tres si zënter
L tunel de 400 metri passa sota l ciastel Trostburg y i doi tuniei dl’autostreda. Per via dla cuposizion dl crëp iel stat particularmënter rië a giavé ora chësc tunel de zircunvalazion. L ie stat debujën de plu lëures de segurazion. Danterauter nce per l’autostreda che passa me diesc metri sëura l tunel nuef, iel stat debujën de lëueres sëuraprò. N mierculdi ai 22 de utober 2003 giaurirà l presidënt dla Provinzia y l assessëur per i lëures publics n presënza di aministradëures di luesc dl raion, l tunel nuef. N ucajion dla benediscion tres l pluan de Pruca, uniral nce tenì n mumënt de festa. I rapresentanc di media ie nviëi ala giaurida dl tunel n mierculdi ai 22 de utober 2003, dala 9.30 danmesdi pra la rundela a Pruca y de purté inant la nutizia.OSP
