Atualità
L terzo tunel dla Val Badia vën batù tres ai 23 de utober
OSP – N juebia ai 23 de utober uniral batù tres l terzo tunel dla streda nueva dla Val Badia. I lëures per la streda ite per la bassa Val Badia va inant drët bën. La streda, che vën nuzeda dassënn per l trasport de persones y per l trasport pesoch vën fata da nuef, slargeda y segureda da sasc che manacia de tumé jù.
Bën cin tuniei, de plu parëies y puënc dëssa garantì la segurëza sun chësta streda al mumënt mo melsegura. N juebia uniral batù tres l terzo tunel n presënza dl Assessëur ai Lëures Publics y di esperc dla Provinzia. L lëur de duta la streda nueva dla Val Badia va ntant inant cun n bon ritm. I rapresentanc di media ie nviëi al bater tres dl terzo tunel n juebia ai 23 de utober 2003, dala 14.00 y de purté inant la nutizia. N se anconta dala 13.45 pra la uties di lauranc a Mantëna Todëscia.OSP
