Atualità
Veles provinzieles: 82,46% ie jic a lité
OSP- Bën 82,46% di litadëures ie chëst ann jic a lité l Cunsëi Provinziel de Bulsan. Permez ala veles dan cin ani ie l'afluenza jita zruch dl 3,3 percënt. L Presidënt dla Provinzia Durnwalder se à te na prima reazion mustrà dassenn cuntënt dla partezipazion.
21,2 percënt di litadëurs fova nchin la 11 danmesdi bele jic a dé jù si stima (3,3% deplu che dan cin ani). Dala cinch domesdi oven tl Südtirol arjont feter l 60 percënt (2,7% demanco che l auter iede). Canche n à pona sarà la sezions de vela dala 11 da sëira, ova 312.200 litadëures dat ju si stima tl Südtirol.Nce tal valedes ladines iel n generel unì lità de manco per mez al ultim iede. La perzentueles plu avisa: Urtijëi 83,3% (-1,2% permez a dan cin ani), a S.Cristina 85,3% (-1,7%) y te Sëlva l 86,7% (- 0,8%) .
Tla Val Badia an arjont chësta perzentueles. Tl Chemun de Corvara 85,1% (- 1,0%), tl Chemun de Badia 87,8% (-0,4%), tl Chemun de La Val 90,8%( -1,2%), tl Chemun de S. Martin de Tor 87,7% (-3,3%), tl Chemun de Mareo 86,3%(-3,3%).
Davia che n se aspitova manco partezipazioin permez a dan cin ani fova l Presidënt Durnwalder cuntënt che l ie nce chest iede passa l 80% che à nuzà de si dërt de lité. Truepes se aspitova che vede demanco a lité sciche l ie stat tl Bayern y tl Tirol dl Nord. Per chësta rejon vëija l Presidënt Durnwlder schiche n si duvier de rengrazié duc chëi che i jic a lité.
La nfurmazions sun la partezipazion ala veles provinzieles ti 116 chemuns dl Südtirol possen cialé do tl internet sota http://www.provinz.bz.it/service/wahlen/index_l.htm
OSP
