Atualità
Sci al miuramënt dl purtoi da podejé a Mareo
OSP - La sgonda Cumiscion Provinziela per la scunanza dla cuntreda à dat pro de plu proiec. Danter chisc i lëures de miuramënt per l bivach pra l troi dl Tirol a Moos tl Passeier, na varianta per la streda dala rodes a Vintl y l purtoi da podejé a Mareo. La cumiscin ne à nia abù da di truep sun l lascé ju material tl Chemun de Innichen.
L Purtoi da podejé a Mareo, tl raion de Planpecei-Fodara Masaronn á giapà l bënsté dla Cumiscion. L purtoi che porta nchin itinsom la valeda a Pederü dëssa unida slargeda nchin a sies metri a na maniera che n possa nce ji cun l var a tecnica liedia, l skating. La streda tres l bosch che va debujën ie bele. "Ti lëures per l trac nueves dëssel nce unì miurà pertes dl purtoi vedl, perchël ie la cumiscion a una per chisc lëures" iel unì dit dal presidënt Wilfried Theil. Duta la pert tëuta ite dal purtoi dëssa unì nvërdieda ite, nchinamei l fonz de giara dëssa unì curì cun humus a na maniera che l posse chrëscer la plantes. L proiet per miuré l purtoi da podejé ie unì purtà dant dala Lia per l Turism de Al Plan de Mareo.OSP
