Atualità
Ancunteda sun la riforma tl ciamp turistich a Roma
USP – Dl cumerz y dla reforma tl ciamp turistich à, n juebia ai 13 de nuvëmber a Roma, rujenà i assessëures per l cumerz y turism de duta la regions y provinzies dla Talia. L assessëur per l’economia Werner Frick à rapresentà i nteresc dl Südtirol tla capitela taliana. I rapresentanc dla regions y dla provinzies autonomes à rujnà de coche n possa se muever respetan la lege. A una iesen stai de se paré contra nterferenzes da Roma.
Do che la riforma tl cumerz y turism ti à dat la cumpetënza ala regions, à i rapresentanc fat ora de se paré contra l se ficé y la zirculeres da pert dl Stato tla cupetenzes sëurandates. „Sun chësc pont iel stat puscibl arjonjer n cunsens cun i assessëures di partic de zënter-man drëta“ spiega l assessëur Frick. La riforma dla normes talianes tl ciamp turistich ie stat n auter pont de discuscion a Roma. La metà de duta la regions à l medem tëmp a desposizion per mëter ndrova la normes schiche l Südtirol. N aiut a lauré ora la lege regiunela ie stat l bon giamië ora de nfurmazions y la cuncurdanzes danter la regions, conta Werner Frick. Nuviteies plu sonstazieles dla riforma reverda la defrënta sortes de firmes che tën cont dl consum che se mudà. N’autra nuvità sarà nce i tëmps de giaurida tl ciamp turistich che dëssa deventé plu flessibli n cont de giaurì y stlù i locai.Usp
