Atualità
Durnwalder damada a Brüssel plu scioldi per la medranzes
Usp - L Cunsëi dla Regions à ncuei, 19 de nuvëmber, azetà pra la reunion generela la pruposta de Durnwalder per l sustëni dla rujenedes de mendranza. L Presidënt dla Provinzia Luis Durnwalder à ncuei a Brüssel nce ancuntà la cumissera culturela dl’EU Viviane Reding.
Al plann de azion dl’EU per l sustëni dla rujenedes à l Presidënt dla Provinzia Durnwalder purtà ite na pruposta de mudazion. Ël à damandà che na pert di scioldi a desposizion per l plann de azion de trëi ani vënie resservei ala rujenedes de mendranza. La pruposta de Durnwalder ie unida azeteda y ntegreda tl documënt dl Cunsëi dla Regions. Te n proscimo var unirà chësc documënt presentà ala cumiscion dla EU. Tl Cunsëi iel ncuei nce unì rujenà dl liber vërt di servijes, de nteres generel. Cun la cumissera culturela dl’EU Viviane Reding se à Durnwalder ancuntà per se giamië ora minonghes sun proiec dl daunì per la regions. Danmesdi à la frazion dl Partit Populer dl’Europa tl Cunsëi dla Regions (EVP) lità si presidënt nuef che ie deventà Peter Straub, Presidënt dla Region Baden-Württemberg. Straup à sëurantëut la nceria de Bocklet che ova lascià de utober. Sciche presidënt dla EVP ie Straup nce Vizepresidënt dl Cunsëi dla Regions. Luis Durnwalder se à detlarà cuntënt coche ie jita chësta vela, „ie cunësci Straub bele n pez y sei che l cunesch y à na bona minonga de Schüdtirol“. Duman jirà mo inant la reunion dl Cunsëi dla Regions.USP
