Atualità
Senteda dla Jonta Provinziela dl 24 de nuvëmber
USP – La cumposizion dla Jonta Provinziela vën mo metuda apuntin y la Jonta atulela à ntant me la cumpetënza sun cuestions de ordinaria aministrazion. La pruposta per l bilanz per l ann che vën unirà laurà ora dala proscima Jonta. Per chësta rejons ne iel ncuei, 24 de nuvëmber, nia unì tëut „decijions politiches“.
Tlausula de residënza: apelTla Provinzia de Bulsan iesen dla minonga che la diretives dl statut de autonomia per la mendranzes y la disposizions de atuazion n cont dla ncëries publiches, ne possa nia ti fé lerch a la diretives dl EU. Per chësta rejon iel unì fat ora de fé apel contra la sentënza dla suneria aministrativa dl Lazio. Chësta sentënza ova recunesciù l recurs contra la ncëries per auditores de suneria tl Südtirol y udù la graduatories dl Minister dla Giustizia sciche adatedes per nosta Provinzia. Al apel dla Provinzia ti stajerà do l Ufize de aucat provinziel y l aucat de Roma Michele Costa.
Regulamënt contra l meldefuech per locai publics
Na lingia de mudazions ie unides dates pro n cont dl regulamënt technich conta l meldefuech te locai publics. L terminn per avëi metù n drova la normes damandedes ie unì sburdlà ala fin dl 2004.
Personal dla Region ala Provinzia
La cumpetënzes dla Region sciche chëla sun l liber fundier y l cataster passera ala fin de fauré ala provinzies autonomes. Tres chësc sëurantulerà la Provinzia, nsci l Presidënt Durnwalder, nce la 350 persones che lëura per chisc ciamps. La Jonta à fat ora che l ufize per l personal dëssa ntan la proscima enes lauré ora prupostes da presenté ai sindacac nchin de dezëmber.
Paiamënt de direzion
Per passa 200 diretëures dl’Aministrazion Provinziela ie l paiamënt de direzion unì fat ora da nuef. Ai diretëures de ufize ti uniral dat da 0,9 nchin a 1 percënt dl paiamët de basa, ai diretëures de ripartizion da 1,9 a 2,2 percënt y ai diretëures de dipartimënt da 2,9 a 3,3 percënt. N gran pert iel unì tenì la indeniteies che fova bele, me te n valgun caji l an auzeda cunscideran la respunsablteies de direzion.
1,750 milion per la furmazion per l personal provinziel
La Jonta Provinziela à udù dant 1,750 milion de Euro per l program de furmazion y ajurnamënt dl personal provinziel. L Presidënt Durnwalder à lecurdà che chësc finanziament reverda pirnzipalmënter la furmazion y l ajurnamënt de passa 22.000 dependënc publics.
Cuntrol dla versura
L ciamp dl cuntrol dla versura ie nchinamo unì menà dal istitut statel per l cumerz oradecà. Chësta cumpetënza ie sën passeda ala Provinzia y la Jonta à tëut la decijion de ntensifiché i cuntroi per pudëi garantì na mieur cualità per la versura dl Südtirol.
L statut dl museum tl Ciastel Tirol se damanda n ladin
L staut nuef dl museum provinziel dl Ciastel dl Tirol se damanda n cunsëi de aministrazion metù adum da 7 persones. La ncëria da cunselier ti jirà al Presidënt dla Provinzia, al assessëur provinziel cumpetënt per i museums, y a cin d’autri cunselieres, un de chisc dëssa vester de rujeneda ladina.
USP
