Atualità
Publicazion nueva sun contribuc per studënc
Usp - Da permó à l ufize per l sustëni de studënc dat ora n cundejel dal titul "Recht auf Bildung - Förderungsmöglichkeiten für Hochschüler/-innen". Studënc y chëi che l ulëssa deventé abina tlo nfurmazions sun i cuntribuc y i servijes che la Provinzia de Bulsan piëta.
Sibe nfurmazions sun cuntribuc ordineres y straordineres per studi, aiuc economics per scrì i lëures de diplom y l sustëni per pudëi fé cursc y pratica postuniversitera ie da abnié tl cundejel stampà te doi rujenedes. Oradechël vëniel nce spiegà co che vën curì la spëses de viac, l rimbursé de chëutes de studi, per l sté de cuatier, menses y l sustëni straordiner per studënc cun handicap, nsci sciche per fé cursc de rujeneda. L cudejel nuef "Recht auf Bildung - Förderungsmöglichkeiten für Hochschüler/-innen" ie da giapé debant tl ufize per l sustëni de studënc, tla streda Andreas-Hofer-Straße 18 a Bulsan. L apusté possen tres telefonn (0471 413303), e-mail (Eva.Vicari@provinz.bz.it) o sceno online (www.provinz.bz.it/schulfuersorge-berufsberatung).USP
