Atualità
Cuntroi ai cuntribuc culturei ladins
USP - Sciche udù dant dala lege vëniel fat cuntroi sun i cuntribuc culturei cunzedui dala Provinzia. L 6% di caji che vën cialei do plu avisa dal’Aministrazion Provinziela unirà trai ora tres n’estrazion ai 12 de dezëmber te na senteda publica.
Danter chëi che à giapà n cuntribut provinziel per l’atività tl ciamp dla cultura ladina per l ann 2002 uniral trat ora chëi caji che unirà cialei do plu avisa. Chësta estrazion unirà tenida ai 12 de dezëmber 2003 dala 9 danmesdi tla sënta dla Ripartizion per la Cultura ladina a Bulsan. Aldo dla lege provinziela nr.17 dl 22.10.1993 (articul 2,3), vëniel fat na senteda publica per l’estrazion dl 6% di caji, dajan nce la puscibltà de udëi l protocol dla senteda tl secretariat dla Ripartizion per la Cultura y Ntendënza Ladina. Sun dumanda vën l protocol nce mandà per posta. La senteda publica vën tenida tl prim partimënt da sënta dla Ripartizion per la Cultura Ladina tla streda Binder 29 a Bulsan, local nr. 25.USP
