Atualità
La streda da Pruca te Gherdëina ie inò davierta
Usp – Do che l’ena passeda fova tumà jù plu sasc sun la streda che mëina da Pruca nchin te Gherdëina fovel stat debujën de zaré la streda. Sun urdinaza dl Assessëur ai lëures plublics Florian Mussner ie la streda ncuei juebia, domesi inò unida giaurida.
De plu temporai ova gaujà l tumé ju de sac y purons sun la streda a doi chilometri dal tunel nuef de Pruca, dlongia l puent sëura l Derjon. Per via de chisc purons ne iel nia plu stat puscibl passé sun la streda SS242. L Servisc Provinziel per la stredes fova ntan chisc dis mpenià a rumé demez ca. 300 metri cubich de material. L Assessëur Mussner à sën dat l’urdinanza de giaurì la streda. Da ncuei domesdi, juebia ai 4 de dëzëmber possen inò passé.USP
