Atualità
Nfurmazions sun l pericul de levines
Usp – L Servisc per la levines à chisc dis metù man cun l to sù nfrumazions sun l tëmp y la cundizion dla nëif. La situazion n cont de levines vën de norma fata al savëi trëi iedesc al’ena. Nteressei giapa la nfurmazions tres zaites, radio, telefonn, internet y sën nce sun l teletext dla Rai de Bulsan.
Pervia dla nëif che ie bele tumeda ala fin de utober tl Südtirol iel chëst ann bele unì dat ora 21 iedesc la stuazion atulea. De lunesc, mierculdi y vënderdi vëniel ntan l inviërn for fal ala savëi la situazion dla levines. Sce la cundizions dla tëmp y dla nëif à de se mudé te n iede, vëniel sëuraprò mo dat ora d’autri boletins sun l pericul de levines. Te chësc boletin iel nfurmazions sun la cundizions dla nëif tla montes dl Südtirol y la descrizion dl pericul de levines aldò dla situazion metereologica al mumënt y ti dis che vën. L pericul de levines vën musrà aldò dla mpartizion europea a cin pertes, nsci sciche l vën fat da duc i servijes per l pericul de levines de Europa. La situazion atuela vën data tres dala zaites da uni di, dala stazions radio y da n servisc de nfurmazion che respuend al numer de telefonn 0471-270 555 o 271177, chësc servisc vën nce pità tres fax al medem numer. Nteressei vën culeghei a n sistem ulache i possa pona crì ora la rujeneda y l raion nteressà. Tl internet ie la nfurmazions da pudëi ciale dò sota www.provinz.bz.it/lawinen y www.provinz.bz.it/wetter, tlo iel sëuraprò nce da liejer jù truepa d’autra nfurmazions. Da permò ie l boletin sun l pericul de levines nce da pudëi liejer ju dl teletext dla RAI 3 de Bulsan, pra la previjions dl tëmp, sun la plata 582 y pra la situazion n cont de levines a palata 528.USP
