Atualità
Cuncors per nsenianc dla scoles elementeres ladines
Usp – L ie unì scrit ora n cuncors per la stieres da nsenianc de tlas y per nsenianc de religion dla scoles elementeres ladines. La dumandes per fé pea al cuncors possa unides dates ju nchin ai 23 de jené 2004 tla Ntendënza ala Scola Ladina a Bulsan.
L test cumplet per chësc cuncors ie unì publicà inier, merdi 9 de dezëmber 2003, tl boletin ufiziel dla Region. Duc chëi che che à na stiera a tëmp determinà y à perchël n titul de studi possa fé dumanda per l cuncors per na stiera „de ruolo“. I tiuli de studi damandei y la cundizions damandedea ie scrites ora plu avisa tl cuncors nstess. I formulares per i doi cuncorsc ie da giapé pra la Ntendënza ala Scola Ladina. Chisc formulares scric ora possa unì dai ju nchin a n vënderdi ai 23 de jené 2004 dala 17.00 pra la Ntendënza ala Scola Ladina, tla streda Binder 29 a Bulsan. Sce n da jù la dumandes de persona vën tëut n cunsciderazion l stempl dla Ntendënza. La dumada possa unida fata zënza marca y la sotscrizion ne muessa nia unida autentificheda. Per i documënc che ie bele unic dai ji tla Ntendënza iel me da fé na pitla nota. Chëi che cuer la cundizions per fé pea l cuncors possa mplù fé pea n curs de preparazion de 150 ëura cun i l majer pëis sun argumënc de metodologia y didatica. L luech y l termin di cursc vën mo fai al savëi. Per fé pea l curs, o nce me pertes de chësc iel ënghe da fé dumanda nchin ai 23 de jené 2004. L test ntier dl cuncors ie da pudëi liejer do tl internet sota la plata www.provinz.bz.it/intendenza-ladina Per nfurmazions plu avisa possen tò su cuntat cun Carla Pedevilla (0471-417 015), per i cursc de preparazion cun Lois Ellecosta (0474-506 011).USP
