Atualità
La streda dla Val Badia ie davierta per la sajon
Usp – Per la truepa jënt che unirà chisc dis tla Val Badia ie da ncuei, juebia ai 18, la streda ino davierta. L’urdinanza dl Assessëur Florain Mussner vel nchin ai 13 de auril 2004. Te chësta ucajon à Mussner ulù savëi tan inant che n ie cun i lëures. Sun cin tuniei ie cater bele giavei ora. Per l viadot nuef ie ot stizes bele sù. Al mumënt vëniel laurà per la segurëza.
„I lëures per la streda dla Val Badia va inant drët bën“ nsci l Assessëur ai lëures publics Mussner. La prima pert dla streda nueva ie njenieda provisoriamënter per l inviern y l prim tunel ie bele finà. Ot stizes ie bele metudes su per l viadot nuef de 431 meti danter l prim y l sgondo tunel. Sun chësc toch vën la streda spusteda dai parëies de crëp ala stizes. Per l’ansciuda iel pona udù danora de mëter man cun i puenc nueves, nsci la nfurmazions di esperc. L sgondo, cuarto y l cuinto tunel ie bele giavei ora. Pra l terzo tunel mancel me plu 20 metri, ma per via dla cumposizion dl crëp ruven me inat bel plan. Danter l terzo y l cuarto tunel vëniel fat i lëures contra i sasc che pudëssa tumé jù. Sun duta la lunghëza vëniel dantaldut laurà per la segurëza.OSP
