Atualità
Per i purtoies dl Südtirol resta dut schiche l fova, dij Widmann
Usp - Cun l 20 de jené ie jit n drova la lege statela che regulamentea la segurëza sun i purtoies dai schi. Tl Südtirol jiran do si streda per cuestions che reverda la regulametazion di purtoies dai schi, dij l Assessëur per cuestions Alpines Thomas Widmann.
„Tl Südtirol ons nosta normes y regules. Per via dl’Autonomia y dla cumpetënza primera ne vën de tel normes stateles nia aplichedes diretamënter tl Südtirol“ spiega l Assessëur Widmann. „Tl Südtirol uniral a uni maniera jit do si streda per tant che à dan fé cun la regulamentazion di purtoies dai schi, chiran cun partner na soluzion adateda per l Südtirol“, nscì Widmann. Tla Provinzia de Bulsan vel perchël inant la lege provinziela che regulea chësta cuestion. La straufonghes ududes dant dala lege nueva ne vel nia tl Südtirol. La lege statela vëija dant n tëmp de sies mënc per adaté nce tl Südtirol chësta cuestion ala norma naziunela, lascian purempò lerch per soluzions y vies autonomes. „Permò do chësc tëmp de mez ann possa l Stato cuntrasté la lege provinziela dan ala cëurt costituzionela y sfurzé a mëter n drova la norma statela, dij l Assessëur per cuestions Alpines Widmann.USP
