Atualità
Truepa dumandes per lauranc da ora dl’UE
Usp – Da n lunesc possen tl ufize dl lëur dé ju dumandes de aprovazion per l lëur ntan la sajon y nce per tëmp indeterminà per zitadins da ora dl’Eropa. „Davia che l Südtirol posssa me ti dé da lëur a puëc per n tëmp indeterminà, iel te chësc cajo trueps che fej dumanda“, nsci l ditetëur dl Ufize provinziel per l lëur, Helmuth Sinn.
Nchin sën iel tla sëntes destachedes unì dat jù passa 200 dumandes per lëur nia de sajon tl ciamp dla gastronomia, nce sce l possa me unì dat ora 48 aprovazions per chësc ciamp. Nce tl’agricoltura iel unì da jù scialdi de plu dumandes permez ala cuotes a desposizion. „Per chësta rejon possa da sën inant me plu unides dates ju dumandes de lëur ntan dut l ann tla gastronomia y tl’agricoltura per lauranc da nazions che à giapà n cuntighënt a pert“, dij Sinn. L se trata tlo dl’Albania, Tunisia. Marocco, Egit, Nigeria, Moldavia, Sri Lanca, Bangladesch y Pachistan. „L de jù de dumandes per dut l ann, per lauranc de autra nazions ne à degun bert. Chësta dumandes ne vën nia plu azetedes“, sorisssea l diretëur Helmuth Sinn.USP
