Atualità
Curs per mparé a curé jënt
Usp – La scola prufesciunela per lëures soziei nvieia a n curs per mparé a curé jënt. Chësc curs tla rujenenda taliana unirà tenì dal 18 de fauré al 8 de mei 2004, ai 19 de mei saral i ejames de conclujion.
L curs per mparé a curé persones tl ciamp soziel ie de 100 ëura. Te 32 ëura uniral nsenià tecniches de cura per amalei, te autra 32 ëura cunescënzes mpurtantes tl ciamp dla medejina y pona iel mo udù dant 36 ëura per fé pratica. Chësc curs ie pensà per assistënc soziei y chëi che cura jënt de tëmp, che à giapà l dipliom de juni 1999 y che giapëssa nsci na cualifica sëuraprò. L primar da dant dl labor de analisa dl spedel de Bulsan, Umberto Gaspa y l nfermier Roberto Bergo tën l curs. Nfurmazions plu avisa ie da giapè diretamënter dala scola prufesciunela per lëures soziei, tla streda St. Gertraud 3, a Bulsan; l numer de telefonn ie 0471 414418 y chël de fax 0471 414455.USP
