Vocabuleres ladins sun CD ie unidc presentei a Roma
USP – Tl’Academia naziunela „Accademia dei Lincei“ a Roma iel n vënderdi unì presentà la CD dl vocabuler tudësch – ladin de Gherdëina dat ora dal Istitut Culturel Ladin „Micura de Rü“. Deberieda cun l assessëur ladin Florian Mussner, l presidënt dl Istitut Hugo Valentin y l diretëur Leander Moroder, fova nce la presidënta de unëur dla Union Generela di Ladins dla Dolomites Hilda Pizzinini y na lingia de prufessëures emeric dla cunesciuda università „Accademia dei Lincei" presënc tl Palazzo Corsini pra la presentazion.
Tl’Accademia dei Lincei: Hugo Valentin, Bruno Senoner, Roland Verra, Hilda Pizzinini, Florian MussnerN di mpurtant tla storia di ladins, ie per l assessëur Mussner stat la recunesciënza de gran valor per l lëur dl Istitut Culturel Ladin. Tl’„Accademia dei Lincei“ iel unì presntà la CD dl vocabuler tudësch ladin de Gherdëina y nce la CD di vocabuleres tla verscion badiota y fasciana. L se trata tlo di resultac dl lëur de tuedes lessicheles y idiomatiches dl Istitut Culturel ntan passa diesc ani, nsci l’Assessëur. L prufessëur Walter Belardi dl’Accademia dei Lincei, cunesciù sciche espert dla Ladinia, à abù paroles de gran lauda per chësc lëur. Recunescimënc iel nce unì da pert dl minister per l’istruzion da dant, prufessëur Tullio De Mauro, che i n gran espert de vocabuleres dla rujeneda taliana y che à nce metù a desposizion material digitel per la vescion taliana dl vocabuler ladin.
Deberieda cun l Assessëur Mussner, l presidënt dl Istitut Valentin, l diretëur Moroder, de plu cunselieres y rapresentanc dla Union di Ladins y la presidënta de unëur dla Union Generela di Ladins dla Dolomites Pizzinini, ie nce unic n otanta prufessëures de gran inuem dl’Academia dei Lincei tl Palazzo Corsini a Roma per la presentazion.
Usp
Galaria dales fotografies
Tl’Accademia dei Lincei: Hugo Valentin, Bruno Senoner, Roland Verra, Hilda Pizzinini, Florian Mussner
