Cudejel nuef sun la pusciblteies de furmazion do la mesana
Usp – Ai sculeies dla scoles mesana ti resta me plu puecia enes per to na decijion sun si daunì scolastch. L Ufize Provinziel per Furmazion y Consulënza de lëur spartësc ora tla scoles mesanes ladines y tudësces n cudejel nuef dal titul "Und so geht’s weiter! Aktuelle Ausbildungen nach der Mittelschule“. Chësc cudejel dëssa vester n aiut per i sculeies a to si decijion.
La prima plata dl cudejel nuef sun la pusciblteies de furmazion do la mesana.Me plu nchin ai 31 de merz possa i sculeies dla scoles mesanes se scrì ite a na scola auta, na scola prufesciunela o na scola per l lëur da paur, forestel o te cësa. Tl cudejel nuef dl Ufize Provinziel per Furmazion y Consulënza de lëur iel da abiné chësta scoles cun na spiegazion sun co che ie da fé la iscrizions y la puscibltëies de sustëni scolastich. N plu iel nce da abiné la lista de ponc de nfurmazion tla provinzia.
L mesun de nfurmazion dëssa n valgun’enes dan l utimo di per se scri ite a d’autra scoles, dé n aiut de vela per i sculeies y si genitores. L cudejel ie nce da gaipé te duta la sëntes de Consulënza de lëur y pra l Ufize provinziel per la Furmazion tla streda Andreas Hofer 18 a Bulsan (tel. 0471 413350).
USP
Galaria dales fotografies
La prima plata dl cudejel nuef sun la pusciblteies de furmazion do la mesana.
