Atualità
Cuntibut de viac per studënc – scadënza ai 30 de auril
Usp – Nsci sciche ti ani passei possa i studënc nce chëst ann damandé n cuntribut per curì la spëises de viac. La cundizion ie la iscrizion per chëst ann pra na università o pra na scola speziela ora dl Südtirol, tla Talia o te paejes de rujeneda tudëscia. La proscima scadënza ie l 30 de auril 2004, l’ultima puscibltà de fé dumanda toma ai 31 de agost 2004.
La dumanda per n cuntribut pauscial ala spëises de viac ntan la ann de scola 2003/04 possa damanadé uni studënt che à da mustré su la cundizions damandedes. L „davani netto“ dla familia possa per l ann 2002 arjonjer al plù 23.500 Euro. I resultac scolastics ne vën nia tëui n cunsciderazion per chësc cuntribut. La rejon de giapè i cuntribuc à studënc che ie per rejons de studio 150 dis tl luech de studio o ilò daujin, y che furnea ntan l ann almanca cin iedesc a cësa. L cuntribut ie per doi viages a cësa y de reviers al 100% y per autri trëi viages a cësa y de reviers al 50%. Sciche basa per paië ora l cunribut vëniel tëut i priejes dla ferata de sgonda tlas al scumenciamënt dl ann. Per via dl majer custimënt a lauré ora la dumandes vëniel me tëut n cunsciderazion chëi caji che à la rejon sun n cuntribut de almanca 103 Euro. I formulares per l cutribut pauscial dla spëises de viac ie da giapé tl Ufize Provinziel per l’Assisstënza ai Studënc y tl internet sota www.provinz.bz.it/schulfuersorge-berufsberatung. Sce l studënt ne à nia fat dumanda de cuntribut per l studio ala Provinzia, pona muessel nce junté prò na copia dla detlarazion de si davani, de chël di genitores y n cajo nce chël dl uem o dla fëna. Nfurmazions plu avisa ie da giapé tl Ufize Provinziel per l’Assisstënza ai Studënc, tl sgondo partimënt, ufize 1 nchin 5, tla Cësa Provinziela VII tla streda Andreas-Hofer 18 a Bulsan. I numer de telefonn ie l 0471-41 33 03 y de e-mail margherita.burger@provinz.bz.it.USP
