Usp – L abiné na luegia de albierch ntan l tëmp de studio cumporta suvënz na gran dificultà. Tl Südtirol iel unì metù sù de plu cëses per studënc che vën presentedes tl cudejel nuef dat ora dal Ufize Provinziel per Assistënza Scolastica y Universitera.
La prima plata dl cudejel nuef sun la cëses per studënc tl SüdtirolTl Südtirol iel nuef cëses per studënc cun ndut 285 lueges a desposizion. Sies ie a Bulsan y trëi a Persenon. Tl cudejel ne iel nia me da liejer do la descrizion dla cëses, ma nce la nfurmazions per pudëi unì tëut sù. Mplù possen nrescì velch sun la spëises y la maniera de fé la dumanda per cuntribuc provinziei. De duta la cëses ie nunzieda l’adres plu avisa cun la posizion sun la cherta dla zità. L cudejel "Wohnen und Studieren in Südtirol" giaten debant tl Ufize Provinziel per assistënza scolastica y universitera, tla streda Andreas-Hofer 18 a Bulsan. Tres telefonn al 0471-413 303 o internet sun la plates www.provinz.bz.it/schulfuersorge-berufsberatung, possen nce se fé mandé chësc cudejel de nfurmazion.
USP
Galaria dales fotografies
La prima plata dl cudejel nuef sun la cëses per studënc tl Südtirol
