Atualità
Dumandes per i pesc’ agroambientei y supelmënc
Usp – Ntan i proscimi dis possa unides dates ju la dumandes per n suplemënt y l pest agroambientel. L assessëur Hans Berger lecorda che tres l servisc de assistënza dla Lia di Paures pudran inò renuvé la dumandes, fé mudazions o fé dumandes nueves. Chëi che à bele fat l ann passà na dumanda unirà nviei a n’ancunteda, duc i autri nterssei dëssa damandé n termin tl ufize de raion dla lia di paures.
Per pudëi to sù la dumandes cun efizënza vën duc chëi che à bele fat na tel dumanda nviëi a n’ancunteda cun rapresentanc dl servij de assistënza dla Lia di Paures. Per sparnië cumplicazions damanda l assessëur Berger de tenì ite avisa la dates sun l nvit. La dumandes vën me tëures ju ntan i dis de udienza dl servij de assistënza dla Lia di Paures. Per chësta rejon dëssa i paures che fej l prim iede la dumanda se damandé n tremin tl ufize de raion la Lia di Paures. Per l suplemënt muëssel uni ann unì fat na dumanda nueva. Mplu vën chëst ann nce scrit su l autëza dla luegia ulache vën abinà adum l lat y la distanza al luech da paur, aldò dla nfurmazions dates ju da chël che fej dumanda. Nuef ie da chësta ann che la UE à sun nteressamënt dl assessëur Berger azetà l bestiam grisc sciche raza che manacia de murì ora. A chësta maniera possel chësta ann nce unì fat la dumanda aldò (proiet 2, pruvedimënc agrares y de ambient). L ie mpurtant che chëi che à bel fat dumanda ti ani passei, debe ju nce chëst ann la dumanda de renuvamënt dl mpëni de ti sté do al luech per cin ani. Sce chësc documënt ne vën nia dat jù, vën chësc valutà sciche la ntenzion de nia ji inant cun l mpëni. La cunseguënza ie che la dumanda vën trata zeruch y che i contribuc dai ora muessa inò unic dai de reviers. Nfurumazions plu avisa sun la dumandes per l pest agrombientel y l suplemënt giaten tla Ripartizions per l’Agricoltura, Bosc, Natura y Cuntreda o ti ufizies de raion dl servij de assistënza dla Lia di Paures.USP
