Atualità

Ambiënt | 21.04.2004 | 16:22

N ann zënza chëuta per auti a disel cun filer per l stuep fin

USP – Da ncuei mierculdi 21 de auril possa i patrons de auti a disel cun filter per l stuep damandé de nia messei paié la chëuta sun l auto per un n ann. La norma che ie unida metuda sù sun pruposta di assessëures Werner Frick y Michl Laimer va ndrova per l prim iede tl Südtirol. Tres na zirculera vën i marcadënc de auti nfurmei sun la normes nueves.

L ie ntant de pu firmes dai auti che mët sun l marcià mesuns de trasport a disel cun l filter che pea su la particules dl stuep. Cun l lascé do dla chëuta ulëssen rënder chisc auti plu atratives per l consumadëur, à dit l Assessëur Frick. L pruvedimënt per l ambient nuef ie na resposta cuncreta sun i problemes dl mpaziamënt dl’aria, dantaldut dl stuep fin. 80% dl mpaziamënt dl aria vën dal muvimënt sun streda, à sorissà l assessëur Laimer. L pruvedimënt vën nce udù de bon uëdl dal assessëur al trasport Thomas Widmann che ulëssa nce to pruvedimënc per miuré l aria tla ziteies. L lascé do dla chëuta vel pra auti nueves ntan l prim ann. L patron muessa nchin a 60 dis do la nmatriculazion mandé ite al Ufize Spëises dla Provinza na detlarazion che desmosta de avëi l filter dal stuep fin. La deltarazion ne muessa nia me unida sotscrita dal patron dl auto ma nce dal marcadënt de auti. Tlo iel da dé sëura nfurmazions sun l patron dl auto y la ndicazion sun l filter juntan na copia dl liber dl auto. L formular laurà ora aposta ie da giapé pra i marcadënc de auti, tl internet sota www.provinz.bz.it/finanzen-haushalt, ti ufizes dl automobilclub ACI o tl ufize provinziel de cumpetënza. Per i auti che ie bele sun streda dan che la norma nueva ie jita ndrova, ne muessel nia unì paià la chëuta per l auto ntan un n ann da sën inant. I patrons de chisc auti muessa dé ju l formuler y la copia dl liber dl auto tl Ufize Spëises dla Provinzia ti proscimi 90 dis.

USP

Galaria dales fotografies