Atualità
Curieres tres la Val Badia
USP – La linies publiches “Burnech – Val Badia” y “Burnech – AL Plan – Rina” ie da ncuei merdi, 4 de mei inò n funzion. Tres l giaurì dla streda dla Val Badia (SS 224) per l muvimënt pesoch possa nce passé la curieres, nscì vëniel fat al savëi dal Dipartimënt provinziel per l trasport.
La streda dla Val Badia ie inò davierta danter la 6 y la 8 danmesdi, la 12 y la 14 da mesdì y dala 18.00 nchin ala 20.30 da sëira per l muvimënt pesoch.A chësta maniera ie nce segureda la linea dla curieres danter Colfosch y Burnech dala 5.06, 6.20, 7.30, 11.30, 12.50 y 17.40. L medem vel nce per la linea da Burnech a Colfosch, che muef dala 6.50, 7.10, 7.55, 12.10, 13.25, 17.20, 18.10 y 19.10.
La populazion ie prieda bel de ti cialé ala comunicazions pra la fermedes dla curieres. Nfurmazions iel nplù nce da giapè cherdan su l numer vërt 800-846047.
USP
