Atualità
L assessëur Mussner vijitea la scoles de Gherdëina y dla Val Badia
USP – N mierculdi, juebia y vënderdi jirà l assessëur Florian Mussner a vijitè la scoles ladines dala scolina nchin ala scola auta. Al zënter dla vijites sarà l’ancuntedes cun i nsenianc y diretëures.
Per ti cialé plu da daujin ala situazion di sculeis y studënc, educatëurs y nsenianc vijitea l assessëur ladin Mussner n mierculdi, juebia y vënderdi de chëst’ ena la scolines y la scoles de Gherdëina y dla Val Badia. Ancuntan educatëures, nsenianc, diretëures ma nce i mëndri y i studënc uël l Assessëur rujené sun l daunì dla strutures per la scola a na maniera da pudëi fé na bona proietazion per i ani che à da unì. N mierculdi ai 12 de mei jirà l assessëur Mussner a vijité la scoles de Gherdëina, n juebia ai 13 de mei tla bassa Badia cun Mareo y n vënderdi ai 14 de mei la scoles tla Val Badia auta. Rapresentanc di media nteressei possa nce ji pea cun l Assessëur. Chisc ie prëi bel de se lascé nuté su al numer de telefonn 0471-41 23 35.USP
