USP – Bele dl 1977 à l cunsëi nternaziunel di museums „ICOM“ numinà per l prim iede l „Di nternaziunel dl Museum“, chëst ann vën chësc di nce valorisà tl Südtirol. N dumënia che vën, ai 16 de mei ie duc i museums provinziei davierc al publich a n priesc simbolich o defin debant. Tl Museum Ladin a San Martin de Tor uniral danter la doi y la sies domesdì purtà dant poejes ladines. L ntreda ie tlo debant.
N ucajion dl „Di nternaziunel dl Museum“ ie l ntreda al Museum Ladin a San Marin de Tor ai 16 de mei debant.Cun l „Di nternaziunel dl Museum“ uel l ICOM lecurdé dl’arpejon culturela di raions che ie da udëi ti museums. L moto da chëst ann ie „La tradizion culturela sciche arpejon viva“. N uël a chësta maniera valorisé la tradizions cultureles de usanzes, tradizions, mujiga y rujeneda che rënd na comunità culturela unica. A livel mundiel vën l „Di nternaziunel dl Museum“ tenì ai 18 de mei, ti raions de rujened tudëscia ie chësc di unì spustà ala dumënia per ti unì ncontra ala families.
Tl Südtirol saral n dumënia che vën, 16 de mei l Museum dl’Archeologia y l Museum dla Natura a Bulsan che fej pea pra chësc di. Mplu iel nce l Museum Proviziel de Cialstel Tirol, l Museum populer a Dietenheim, i Museums dla Minieraes de Prettau y Ratschings, l Museum dal vin de Kaltern y l Museum dla ciacia y dl pié pësc tl Ciastel Wolfsthurn che se presënta cun scumenciadives y azions particuleres.
Tl Museum Ladin a San Martin de Tor saral danter la 14.00 y la 18.00 la portes daviertes per duc i nteressei. N dumënia saral tlo scritëures ladins che porta dant si poejies ti idiomes ladins. Na ucajion per audì poejies badiotes, gherdëines y fascianes. A San Martin cëlen de valorisé la tradizion culturela tres la rujeneda, i idiomes y la poejies. M plù iel mo da udëi la mostra sun la Scola d’Ert de Sëlva che resta davierta nchin ai 31 de mei 2004. L ntreda ie debant.
N cheder generel n cot dl’adressses, numri de cuntat y orares de giaurida di museums provinziei dl Südtirol ie da abinè tl internet sun la plates www.provinz.bz.it/museenfuehrer
N ucajion dl „Di nternaziunel dl Museum“ ie l ntreda al Museum Ladin a San Marin de Tor ai 16 de mei debant.
USP
Galaria dales fotografies
N ucajion dl „Di nternaziunel dl Museum“ ie l ntreda al Museum Ladin a San Marin de Tor ai 16 de mei debant.
