Atualità
Piz Setëur y la Gran Risa tla Cumiscion per la defendura dl ambiënt
USP – De 22 proiec che la Sgonda cumiscion per la defendura dl’ambient à tëut tres te si senteda de chëst’ ena, à 20 proiec giapà l bënsté. Danter chisc nce chël dla utia da mont sun Piz Setëur sëura Plan de Gralba, tl Chemun de Sëlva y de na streda per chëi dai schi tl chemun de Valdaura. La cumiscion ti à nce cialà al proiet per adatamënc al purtoi de Copa dl mond Gran Risa a La Ila.
L’ultima pert dl purtoi Gran Risa dëssa giapé trëi coi. L proiet aldò à l cumitè „Alpine Ski World Cup Alta Badia“ mandà ite ala Sgonda cumiscion per la defendura dl’ambient. I uemes dla cumiscion ie stai a una de mëter n drova chësc proiet te de plu vares. Sën ti spieta al cumité de Copa dl mond de presenté mo n iede n proiet che vëija dant i singuli vares. Per chëst ann iel aldò dl presidënt dla cumiscion Adriano Oggiano me udù dant de fé n iede un n col.N auter pont che à dan fé cun l sport dl schi ie unì mandà ite dala furnadoies de Valdaora. La se trata de slargë la streda per chëi dai schi tlameda „Pracken“ tl Chemun de Valdaora. La sgonda cumiscion per la defendura dl’ambient à dat si bënsté sun chësc proiet. Chësc ntervënt per cunlië i purtoies dai schi ne se damanda nia n gran disturb per la cuntreda.
Nce sun l proiet de ngrandì la utia Piz Setëur tl Chemun de Sëlva iel unì dat na minoga positiva. La sozietà “Piz Setëur” de Helmuth Stuffer & Co ova presentà l proiet per chësc ngrandimënt. Do che l fova bel n iede unì laurà ora da nuef l proiet, possel unì fat l utia sun la spersa dla teras da sën.
USP
